Offerynnau Statudol sydd ag Adroddiadau Clir
09 Chwefror 2026
SL(6)734 – Rheoliadau Addysg (Cyllid Myfyrwyr) (Symiau) (Diwygiadau Amrywiol) (Cymru) 2026
Gweithdrefn: Gweithdrefn annilysu'r Senedd
Mae’r Rheoliadau hyn yn diwygio'r Rheoliadau canlynol:
· Rheoliadau Addysg Uwch (Symiau) (Cymru) 2015 (“Rheoliadau 2015”);
· Rheoliadau Addysg (Cymorth i Fyfyrwyr) (Cymru) 2017;
· Rheoliadau Addysg (Cymorth i Fyfyrwyr) (Cymru) 2018;
· Rheoliadau Addysg (Benthyciadau at Radd Ddoethurol Ôl-raddedig) (Cymru) 2018; a
· Rheoliadau Addysg (Cymorth i Fyfyrwyr) (Graddau Meistr Ôl-raddedig) (Cymru) 2019.
Mae'r Rheoliadau hyn yn diwygio'r rheoliadau cymorth i fyfyrwyr presennol i addasu symiau cymorth cynhaliaeth myfyrwyr a lwfansau eraill a chyfraniad ôl-raddedig at gymorth costau yn unol â mesur o'r Mynegai Prisiau Defnyddwyr.
Mae’r Rheoliadau hyn hefyd yn diwygio Rheoliadau 2025 i gynyddu’r capiau ffioedd dysgu israddedig llawn amser a chymhwyso'r capiau hyn i'r holl bersonau cymhwysol ar gyrsiau cymhwysol mewn sefydliadau rheoleiddiedig yng Nghymru ar gyfer blynyddoedd academaidd sy'n dechrau ar neu ar ôl 1 Awst 2026. Nid yw codi'r cap ffioedd dysgu yn cynyddu'r ffi ddysgu a godir, sy'n fater i'r sefydliad sy'n darparu'r cwrs.
Rhiant-Ddeddf: Deddf Addysgu ac Addysg Uwch 1998
Fe’u gwnaed ar: 20 Ionawr 2026
Fe’u gosodwyd ar: 22 Ionawr 2026
Yn dod i rym ar: 12 Chwefror 2026
Offerynnau Statudol sydd ag Adroddiadau Clir
09 Chwefror 2026
SL(6)735 – Gorchymyn Deddf Cyllid Llywodraeth Leol (Cymru) 2024 (Cychwyn Rhif 1) 2026
Gweithdrefn: Dim Gweithdrefn
Y Gorchymyn hwn yw’r gorchymyn cychwyn cyntaf a wneir o dan Ddeddf Cyllid Llywodraeth Leol (Cymru) 2024 (“y Ddeddf”).
Mae’r Gorchymyn hwn yn dwyn gweddill y darpariaethau yn adran 18 o’r Ddeddf i rym ar 1 Ebrill 2026. Mae adran 18(2)(c) a (5) eisoes mewn grym at y dibenion a bennir yn adran 23(6) o’r Ddeddf.
Rhiant-Ddeddf: Deddf Cyllid Llywodraeth Leol (Cymru) 2024
Fe’u gwnaed ar: 22 Ionawr 2026
Fe’u gosodwyd ar:
Yn dod i rym ar: 01 Ebrill 2026
Offerynnau Statudol sydd ag Adroddiadau Clir
09 Chwefror 2026
Gweithdrefn: Gweithdrefn gymeradwyo'r Senedd
Mae'r Rheoliadau hyn yn diwygio’r setiau o Reoliadau a ganlyn:
(i) Rheoliadau Gwasanaethau Mabwysiadu Rheoleiddiedig (Darparwyr Gwasanaethau ac Unigolion Cyfrifol) (Cymru) 2019; a
(ii) Rheoliadau Gwasanaethau Cymorth Mabwysiadu (Awdurdodau Lleol) (Cymru) 2005.
Mae'r newidiadau sy'n cael eu gwneud fel a ganlyn:
· estyn yr esemptiad presennol rhag cofrestru ar gyfer gwasanaethau mabwysiadu sy'n darparu gwasanaethau cymorth o dan gontract i gynnwys hefyd wasanaethau a ddarperir gan bartneriaethau a chyrff corfforedig o dan gontract;
· creu esemptiad ychwanegol rhag cofrestru ar gyfer darparu cwnsela mewn perthynas â mabwysiadu i oedoliolion;
· ddisodli cyfeiriadau at “rhiant naturiol” gyda “rhiant geni” (heb unrhyw newid yn ystyr y term);
· estyn cymhwystra ar gyfer gwasanaethau cymorth mabwysiadu penodol i gynnwys cyn-warcheidwaid plentyn mabwysiadol; a
· phennu bod yn rhaid i ofal seibiant sy'n cynnwys llety gael ei ddarparu o dan ddarpariaethau statudol penodol iddo fod yn gymwys fel gwasanaeth cymorth mabwysiadu.
Rhiant-Ddeddf: Deddf Mabwysiadu a Phlant 2002
Fe’u gwnaed ar:
Fe’u gosodwyd ar: 27 Ionawr 2026
Yn dod i rym ar: 01 Ebrill 2026